«Գաղտնի հանդիպում, «Շնիցելյան» դիվանագիտություն՝ Հայաստանի և թուրքիայի միջև». Աբրահամ Գասպարյան
Աբրահամ Գասպարյանը ֆեյսբուքյան իր էջումմ գրել է․ «Կարևոր լուր:
Գաղտնի հանդիպում, «Շնիցելյան» դիվանագիտություն՝ Հայաստանի և թուրքիայի միջև, որի մասին լռում է պաշտոնական Երևանը:
Մինչ՝
1- Հայաստանի հակահայկական, անարժանապատիվ ու տկարամիտ իշխանությունն ամեն ինչ անում է պապից ավելի պապական երևալու,
2- ավանակի համառությամբ ու մարտնչող տգիտությամբ չի ուզում ընկալել Շուշիի պանթյուրքական տխրահռչակ հռչակագրի էությունը,
3- «խաղաղության դարաշրջան» եզրույթի ներքո հայկական անվտանգության էքզիստենցիալ բանալիները հանձնում է՝ Ռուսաստանին, ադրբեջանին ու թուրքիային,
4- գեոպոլիտիկ նոր իրողություններին ընդառաջ՝ ավելի է խճճվում արտաքին քաղաքական կողմնորոշման հնարավորություններում, (ՌԴ-ադրբեջան դաշնակցային գործակցություն, ԴԺՀ և ԼԺՀ ճանաչում, թուրքիայի գործոնի աստիճանական չեզոքացում),
5- ընկեցիկ ու անճարակի պես՝ շարունակում է ագիտպրոպով քարոզել, որ ամեն ինչ հրաշալի է,
Ավստրիայի մայրաքաղաք Վիեննայի Լյուգեք հրապարակում, Յոհան Գուտենբերգի արձանի հարևանությամբ գտնվող, մի քանի տասնամյակի պատմություն ունեցող «Ֆիգլմյուլլեր» բարձրակարգ ռեստորանում, որը համարվում է հանրահայտ՝ շնիցել ուտեստի «օրրանը», այսօր մեկնարկել է Հայաստանի կոլաբորացիոնիստ իշխանության և թուրքիայի բանակցային թիմի ներկայացուցիչների աշխատանքային ճաշը:
Լուսանկարները, որոնք արվել են դեպքի վայրից, բայց այդքան էլ հաջողված չեն ստացվել, խոշորացնելու դեպքում՝ կկարողանաք տեսնել թուրքիայի ոտքերի տակ ինքնակամ թավալ եկող «թիմ լիդերի» տարփալի ժպիտը, որից էլ, վստահաբար, կկռահեք նրա անուն-ազգանունը:
Պաշտոնական Երևանից, սովորույթի ուժով, ոչ մի արձագանք: թուրքական մամուլը հանգիստ խոսում է այդ մասին:
Պի՛նդ եղեք»:
