«Ես չեմ ասում, որ պատրաստվում եմ դառնալ պատմության մեջ ամենամեծ խաղացողը, բայց ինքս ինձ համար սահմաններ չեմ դնում»․ Մբապե

ՊՍԺ-ի հարձակվող Կիլիան Մբապեն խոսել է ֆուտբոլում իր դիրքի մասին:

«Ես երբեք չեմ ասել, որ ես լինելու եմ պատմության մեջ ամենամեծ խաղացողը, բայց ինձ համար երբեք սահմաններ չեմ դրել: Եթե ​​ես հասնեմ որոշակի մակարդակի, չեմ պատրաստվում կանգ առնել:

Ես իմ առջև արգելք չեմ դնի: Ոչ, ես փորձում եմ հաղթահարել սահմանները և տեսնել, թե դա ուր է տանում: Այս պահին ես դա լավ եմ զգում, և դա կանեմ իմ կարիերայի ողջ ընթացքում:

Երբ ես դուրս եմ գալիս խաղադաշտ, միշտ ինքս ինձ ասում եմ, որ ես ամենալավն եմ: Բայց ես դեռ խաղում էի Լիոնել Մեսսիի և Կրիշտիանու Ռոնալդուի հետ, և նրանք ինձանից լավ խաղացողներ են: Նրանք ինձանից մեկ միլիարդով ավելի բան են արել:

Բայց իմ գլխում միշտ ինքս ինձ ասում եմ, որ ես ամենալավն եմ: Քանի որ այդ դեպքում դու ոչ մի սահման չես դնում քո առջև և փորձում ես լինել քո լավագույն տարբերակը:

Սովորաբար Աշխարհի գավաթը նվաճելը կարիերայի գագաթնակետն է: Հանուն նրա, դու խաղում ես ակումբում, մի քանի տարի անցկացնում ես այնտեղ և գնում ես աշխարհի առաջնություն մինչև 27-28 տարեկան, երբ հասնում ես քո գագաթնակետին: Ինձ բախտ է վիճակվել հասնել այնտեղ և շահել այն 19 տարեկանում:

Կարծում եմ՝ սա կօգնի ինձ հաջորդ փորձություններում: Բայց կարող եմ հավաստիացնել, որ իմ խնդիրն է՝ երկրորդ անգամ նվաճել աշխարհի առաջնությունը, քանի որ մեր երկրում անհավանական քանակությամբ տաղանդներ ունենք»,- ասել է Մբապեն:

Սիրարփի Աղաբաբյան