Օնիկ Գասպարյանը գնացել էր Կառավարություն
168.am-ի տեղեկություններով ՀՀ ԶՈՒ ԳՇ պետ Օնիկ Գասպարյանն այսօր շտապ Կառավարություն է գնացել ՀՀ վարչապետ Նիկոլ Փաշինյանի հետ հանդիպման:
Ենթադրվում է, որ քննարկման առանցքում եղել է Սյունիքի մարզում ստեղծված իրավիճակը:
Հիշեցնենք, որ երեկ մինչև ուշ գիշեր ԳՇ պետն աշխատանքային այցով եղել է Սյունիքի մարզում, խորհրդակցություն անցկացրել զորամիավորման սպայակազմի և տեղական ինքնակառավարման մարմինների ներկայացուցիչների հետ, ծանոթացել է սյունեցիների մտահոգություններին, համայնքապետերին ու զինվորականներին առաջադրել կոնկրետ խնդիրներ: Իսկ վաղը Սյունիքի մարզ է այցելելու Նիկոլ Փաշինյանը, ուստի ԳՇ պետը Փաշինյանին սյունիքյան այցից առաջ փորձել է ծանոթացնել ստեղծված բարդ իրավիճակին և առկա տրամադրություններին:
