Սանդուին պաշտոնապես ճանաչել են Մոլդովայի նոր նախագահ
Մոլդովայի Սահմանադրական դատարանը (ՍԴ) հաստատել է հանրապետության նախագահի ընտրությունների արդյունքները, որտեղ հաղթել է Մայա Սանդուն: Ամփոփելով դեկտեմբերի 10-ին կայացած նիստի արդյունքներն՝ այդ մասին հայտնել է ՍԴ-ի նախագահ Դոմինիկա Մանոլեն:
«Հասատվում են Մոլդովայի Հանրապետության նախագահի ընտրության արդյունքները, որոնք տեղի ունեցան 2020 թվականի նոյեմբերի 15-ին: Հաստատվում է Մայա Սանդուի ընտրվելը Մոլդովայի Հանրապետության նախագահ: Այս որոշումը վերջնական է, չի կարող բողոքակվել եւ ուժի մեջ է մտնում ընդունման օրվանից»,- հայտարարել է Մանոլեն, հաղորդել է ՏԱՍՍ-ը:
