«Առաջիկայում, քանի դեռ մթնոլորտը հանդարտված չէ՝ որևէ մեկնաբանություն չեմ տալու». Լիլիթ Մակունց
ԱԺ «Իմ քայլը» խմբակցության ղեկավար Լիլիթ Մակունցը շարունակում է պահպանել «խոստումը» և չի պատասխանում լրագրողների հարցերին:
«Մենք արդեն պայմանավորվել ենք, որ ես այս ընթացքում որևէ հարցի չեմ պատասխանելու»,- խորհրդարանում լրագրողներին ասաց Լիլիթ Մակունցը՝ չպատասխանելով հարցին, թե ինչպե՞ս է վերաբերվում Առաջին նախագահ Լևոն Տեր-Պետրոսյանի հայտնած այն մտահոգություններին, որ հնարավոր է՝ Հայաստանում լինեն քաղաքացիական բախումներ:
«Ես ասել եմ, որ առաջիկայում, քանի դեռ մթնոլորտը հանդարտված չէ՝ որևէ մեկնաբանություն չեմ տալու, ես էլ եմ անհամբեր սպասում, որպեսզի վերադառնանք առողջ երկխոսության՝ բոլորիս ջանքերի միջոցով»,- եզրափակեց Լիլիթ Մակունցը:
