Էլուրու քաղաքում մեկ բնակիչ է մահացել անհայտ հիվադնությունից, ևս 315 քաղաքացիներ հոսպիտալացվել են այդ նույն չախտորոշված հիվանդության ախտանիշերով
Հարավային Հնդկաստանի Էլուրու քաղաքի (Անդհրա Փրադաշի նահանգ) մեկ բնակիչ է մահացել անհայտ հիվադնությունից, եւս 315 քաղաքացիներ հոսպիտալացվել են այդ նույն չախտորոշված հիվանդության ախտանիշերով: Դեկտեմբերի 7-ին այդ մասին հայտնել է The Hindu թերթը: Բնակիչներին անհայտ հիվադնության ախտանիշերով սկսել են հիվանդանոցներում պառկեցնել դեկտեմբերի 5-ին, եւ դեկտեմբերի 6-ի երեկոյան նանց թիվը հասել է 315-ի: Հոսպիտալացվածների թվում 46-ը երեխաներ են եւ 70-ը՝ կանայք:
Բժիշկների տվյալներով՝ հիվանդների մոտ դիտվում են ուշաթափություններ, գլխապտույտ, գլխացավ եւ էպիլեպսիայի ախտանիշեր: Մեծամասնության վիճակը մնում է կայուն: Հիվանդների մոտ կորոնավիրուսի թեստերի արդյունքները եղել են բացասական: «Հիվանդության հարուցիչը չի հայտնաբերվել: Ջրի, սննդամթերքի եւ հիվանդների արյան նմուշներն անալիզի համար ուղարկվել են դատա-բժշկական փորձաքննության լաբորատորիա»,- հայտարարել են առողջապահության տեղական մարմինների ներկայացուցիչները: Բացառված չէ, հավելել են նրանք, որ տեղի է ունեցել զանգվածային վարակում օդի աղտոտման հետեւանքով կամ էլ վատորակ մթերքի օգտագործման պատճառով, հաղորդել է ՏԱՍՍ-ը:
