Ճապոնիայում մինչև 2035 թվականը մտադիր են ներքին շուկայից վերացնել բենզինային և դիզելային ավտոմոբիլները

Ճապոնիայի կառավարությունը մինչեւ 2030-ական թվականների կեսերը մտադիր է սահմանել ներքին ավտոշուկայի ավելի խիստ կանոններ, որպեսզի վաճառքներից բացառի բենզինային եւ դիզելային ավտոմոբիլները: Դեկտեմբերի 3-ին այդ մասին հայտնել է NHK հեռուստաալիքը:

Ճապոնիայի էկոնոմիկայի, առեւտրի եւ արդյունաբերության նախարարության պլանների համաձայն՝ կարելի կլինի որպես նոր ձեռք բերել սոսկ հիբրիդներ, էլեկտրամոբիլներ եւ վառելիքի տարրերով ավտոմոբիլներ: Այդ միջոցները դիտվում են որպես Տոկիոյի այն ռազմավարության մի մասը, որը նպատակամիտված է այն բանին, որպեսզի մինչեւ 2050 թվականը լիովին դադարեցվեն մթնոլորտ ածխաթթվական եւ մյուս ջերմոցային գազերի արտանետումները: Ներկայումս Ճապոնիայի շուկայում վաճառվում են բավականաչափ շատ հիբրիդային մոդելներ: Դրանք ներկա են գործնականում բոլոր ավտոարտադրողների մոդելային շարքերում: Միեւնույն ժամանակ լայն սպառման համար էլեկտրամոբիլներ այստեղ արտադրվում են սահմանափակ քանակով:

Nissan-ն այժմ վաճառում է Leaf էլեկտրական հեթչբեկը՝ ընթացքի 250 – 270 կիլոմետր պաշարով: Նաեւ 2021 թվականին պետք է սկսվի Ariya քրոսովերի սերիական արտադրությունը՝ ավելի հզոր կուտակիչներով, որոնք ավտոմոբիլին թույլ են տալիս կախված վերափոխակից ընթանալ 340-ից մնչեւ 500 կիլոմետր մեկ լիցքավորմամբ: Նաեւ վերջերս իր առաջին էլեկտրամոբիլն է ներկայացրել Honda Motor-ը:

Այնուամենայնիվ Ճապոնիայի Toyota Motor առաջատար ավտոկոցեռնի ընթացիկ մոդելային շարքում էլեկտրամոբիլները բացակայում են: Ընկերությունն առաջարկում է բազմաթիվ հիբրիդներ եւ Mitrai ջրածնով ավտոմբիլը, սակայն այդ մոդելը գործականում պահանջարկ չի վայլեում: Դրա հետ մեկտեղ Toyota-ն արդեն հայտարարել է մինչեւ 2025 թվականն այն ավտոմոբիլները ներքին շուկայից հանելու պլանների մասին, որոնք աշխատում են բենզինով կամ դիզելով, հաղորդել է ՏԱՍՍ-ը