Կիրանց գյուղում կողաշրջվել է բեռնատար ավտոմեքենա
Սեպտեմբերի 29-ին, ժամը 08։38-ին Տավուշի մարզային ճգնաժամային կառավարման կենտրոն ահազանգ է ստացվել, որ Կիրանց գյուղի մոտակայքում կցորդիչով բեռնատար ավտոմեքենան կողաշրջվել է։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Մ-16 ավտոճանապարհի Իջևան-Նոյեմբերյան հատվածի 26-րդ կմ-ին «DAF» մակնիշի կցորդիչով բեռնատարը կողաշրջվել է:
Մինչ փրկարարների` կանչի վայր հասնելը բեռնատարի վարորդ Խաչիկ Խ.-ն (ծնված 1955 թ.) դուրս է բերվել տեղի ուժերով:
Փրկարարները տուժածին մոտեցրել են շտապօգնության ավտոմեքենային, ով հոսպիտալացվել է Իջևանի ԲԿ, որտեղ բժիշկները տուժածի առողջական վիճակը գնահատել են բավարար:
