«Որ հասարակության մի մասն իրեն արդեն հաղթող է տեսել, մյուսը` ոչ մի դեպքում իրեն պարտված չի համարում». Ավագ Եփրեմյան
Բանաստեղծ Ավագ Եփրեմյանը ֆեյսբուքյան իր էջում գրել է.
«ԱՌԱՆՑ ՈՐԵՒԷ ՄԵԿԻՆ ՄԵՂԱԴՐԵԼՈՒ
Վերջին օրերի ելույթները, կարծիքները, բանավեճերը վկայում են, որ մեր կյանքում չլուծված լրջագույն խնդիրներ, խորքային անհամաձայնություններ կան, որ կենսական նշանակություն ունեցող մտաոլորտներում երբեմն` անթաքույց, երբեմն` անտեսանելի, բայց, որպես կանոն, կենաց-մահու ճակատամարտեր են ընթանում: Որ հասարակության մի մասն իրեն արդեն հաղթող է տեսել, մյուսը` ոչ մի դեպքում իրեն պարտված չի համարում: Ինչպե՞ս անել, որ այս ամբողջը հենց որպես խառնակույտ էլ չթափվի դպրոցների գլխին, այսինքն` «մեծերի» ինչ-ինչ հաղթանակներն ու պարտությունները երբեք դպրոցական ծրագրերի տեսքով չամրագրվեն»:
