«Խուճապ երբեք չկա». Այգեպար վարչական ղեկավար
«Խաղաղ բնակիչների շրջանում տուժածներ չկան». Այսօր լրագրողների հետ զրույցում ասաց Տավուշի Բերդ խոշորացված համայնքի Այգեպար բնակավայրի վարչական ղեկավար Մկրտիչ Յամուկյանը:
«Վնասներ կան շենքերի առումով, բավականին մեծ վնասներ կան, վնասվել են առանձնատներ, Այգեպարի մսուր-մանկապարտեզը: Երեկվա ռմբահարության ընթացքում կրած վնասների չափերը դեռ պարզվում են, դեռ ընթացքի մեջ է, հարաբերական անդորրի պարագայում ռիսկայնությունը մեծ է»,- ասաց Յամուկյանը:
Լրագրողներից մեկի հարցին, թե ինչպե՞ս է տրամադրված խաղաղ բնակչությունը, Այգեպարի վարչական ղեկավարն ասաց, որ նրանք դուրս են եկել ապաստարաններից.
«Տրամադրվածությունը նորմալ է: Խուճապ երբեք չկա»:
