Մեծ Բրիտանիան մեղմացնում է ճանապարհորդության կարանտինային ռեժիմը 75 երկրների համար
Մեծ Բրիտանիայի կառավարությունն կմեղմացնի իր օդային կամուրջների սահմանափակումները և պարզապես վերջ կդնի կորոնավիրուսային կարանտինի կանոններին 75 երկրներից ժամանողների համար, որպեսզի մարդիկ կարողանան արձակուրդի գնալ: Սահմանափակումների մեղմացումների մասին հայտնում է Reuters-ը:
Մեծ Բրիտանիան շուտով կվերացնի ճանապարհորդության արգելքները Եվրամիության (ԵՄ) և բրիտանական տարածքների գրեթե բոլոր ուղղությունների համար` Բերմուդա, Ջիբրալթար, Թաիլանդ, Նոր Զելանդիա: Այնուամենայնիվ, տրանսպորտի նախարարության խոսնակը հրաժարվել է հանպատրաստից մեկնաբանություններ տալուց:
Վարչապետ Բորիս Ջոնսոնի կառավարությունը քննարկում էր, թե ինչպես վերագործարկել միջազգային ճանապարհորդությունն այն բանից հետո, երբ այս ոլորտում ևս երկշաբաթյա կարանտինային ռեժիմը պարտադիր է, ինչը ավելացրել է փակ զբոսաշրջության և տուրիստական արդյունաբերության հիմնախնդիրները:
Հունիսի 26-ին Բրիտանիան հայտարարել էր, որ կմեղմացնի կարանտինային ռեժիմի պայմանները Ֆրանսիայից, Հունաստանից, Իսպանիայից ժամանողների համար: «Ակնհայտորեն մենք ցանկանում ենք հնարավորինս արագ վերականգնել զբոսաշրջության ոլորտը, և ես վստահ եմ, որ մոտ ապագայում կկարողանանք լավ նորություններ հաղորդել»,- հաղորդել է բնակարանների, համայնքների և տեղական ինքնակառավարման նախարար Սայմոն Քլարքը:
