Քանի՞ քաղաքացի է տուգանվել մեկ օրում. ամփոփում է ոստիկանապետը
Այսօր Կառավարության նիստի ժամանակ ոստիկանության պետ Վահե Ղազարյանը հայտնեց, որ հուլիսի 1-ին ծառայության արդյունքում կազմվել է 2827 արձանագրություն։
«Երևանում՝ 1198, իսկ մարզերում՝ 1629։ Արձանագրված տուգանքներից 2301-ը հետիոտնի կողմից դիմակ չկրելու, 70-ը՝ անձը հաստատող փաստաթղթի բացակայության, 10-ը՝ տաքսու վարորդների կամ ուղևորների կողմից դիմակ չկրելու, 442-ը՝ մինչև 7 տեղ ավտոմեքենաներում ուղևորների կամ վարորդների կողմից դիմակներ չկրելու, 3-ը՝ տնտեսական գործունեություն իրականացնող սուբյեկտների խախտումներ թույլ տալու, և 1-ը՝ ինքնամեկուսացման կանոնները խախտելու համար»,- ընդգծեց ոստիկանապետը։
