Սերբիայում կորոնավիրուսի 227 նոր դեպք է հաստատվել
Սերբիայում կորոնավիրուսով վարակվածների թիվը հասել է 13 հազար 792-ի: Այս մասին հայտնում է ՌԻԱ Նովոստին, վկայակոչելով երկրի Առողջապահության նախարարությանը:
Սերբիայում վերջին 24-ժամվա ընթացքում արձանագրվել է կորոնավիրուսի հաստատման 227 նոր դեպք: Երկրում կորոնավիրուսից մահացել է 2 անձ, մահվան ընդհանուր դեպքերի թիվը 267 է:
Կորոնավիրուսով վարակված է նաև Սերբիայի պաշտպանության նախարար Ալեքսանդր Վուլինը: Նա ինքնամեկուսացվել է:
