«Հայաստանի առողջապահական համակարգը, ի հեճուկս ձեզ, արել է իր ուժերից մի քանի անգամ ավելին, քան կարող էր վարակի տեմպը զսպելու համար». Արսեն Թորոսյան
Առողջապահության նախարար Արսեն Թորոսյանն իր ֆեյսբուքյան էջում գրել է.
«Իրենց իսկ քաղաքական գերեզմանը փորող մի կուսակցություն, որը կարծես «Լուսաւոր կկոչուի» այսօր մի նվագախմբի պես ինձ մեղադրում է «վիրուսի դեմ պայքարը» տապալելու մեջ` մոռանալով, թե ով էր դեմ արտակարգ դրության երկարացմանը, կոնտակտավորների հայտնաբերման ՏՏ համակարգի ներդրմանը, դիմակների կրմանը, ով էր կոկորդ պատռում, որ արագ վերաբացվի վարակի տարածման աղբյուր հանդիսացող հանրային տրանսպորտը և այսօր արդեն կրկին տասնյակ վարակակիրներ ունեցող մեծ արտադրական ձեռնարկությունները, ով էր կասկածի դնում հյուրանոցներում կարանտինի ապահովման նպատակահարմարությունը` դա համարելով «շռայլություն» և «նկարչություն»:
Հայաստանի առողջապահական համակարգը, ի հեճուկս ձեզ, արել է իր ուժերից մի քանի անգամ ավելին, քան կարող էր վարակի տեմպը զսպելու համար: Տասնյակ տարիներ ՀՆԱ-ից 1.4% չափով թերֆինանսավորված ու նյութատեխնիկական առումով թերզարգացած համակարգը մինչ օրս իրեն պահել է իրենից հարյուրապատիկ ավելի հարուստ համակարգերի պես, մի բան էլ ավելին` շնորհիվ նվիրյալ բուժաշխատողների, որոնց անձամբ խորը շնորհակալ եմ:
Տղաներ և աղջիկներ, ձեր գնացքը դեռ չեկած գնացել է…»:
https://www.facebook.com/ATorosyanOfficial/posts/1243387165847546?__xts__[0]=68.ARATegGHDeXZPtYgJi_UMPaWXqYEjr8MJzhoi4Wtj6_fJL-TVAE05uFHN6sgyxDbUrYXn_sFZe1_j2-_F8bN7bpEhAVQ8tuufKH6rPFwm6KQAoJe5OyZcJ4BdSgdX00l57uZwb-LlOvY6pXIGKLSZlZvdrozJKzydMiqSnHXoTCtguJLFaiMglBi1DpHwykJWK9V0lqE0hWyoOZsT_SLmCJ9j8ACD6v2ikM8nIknbHhgJtMzKiwWt3UHKVSrNdhOEWzWcOIX0ujZ9u8byjH0bwQU9nqRFklU9uwsP5vZL3HqYytvW7K2b7xj7w55jRTU31xuB0aKXUbjY8D2-gwPRw&__tn__=-R
