Sotheby’s աճուրդում կոնյակը վաճառվել է 118,5 հազար ֆունտ սթեռլինգով

Sotheby’s աճուրդում վաճառվել է կոնյակի ամենահին շշերից մեկը, որը արտադրվել է XVIII դարում՝ Ֆրանսիական հեղափոխությունից առաջ: Ասիայից գնորդը դրա համար վճարել է 118,5 հազար ֆունտ սթեռլինգ, ասվում է աճուրդի տան հաղորդագրության մեջ:

Լոտի նախնական գնահատումը տատանվել է 80-160 հազար ֆունտ սթեռլինգի սահմաններում:

Նշվում է, որ կոնյակը շշալցվել է 1840-ականներին:
Առցանց աճուրդում վաճառված 0,7 լիտրանոց շիշը հայտնի է Grand Frère («Մեծ եղբայր») անվանմամբ և պատվավոր եռյակի մաս է կազմում:

Այս շարքի ամենափոքր շիշը՝ Petite Soeur-ը («Քույրիկ») ներկայումս ցուցադրվում է խմիչքի ծննդավայր Կոնյակ քաղաքի Gautier գինեգործական տանը: Միջին ծավալի շիշը՝ Petit Frère-ն («Փոքր եղբայր») 2014 թվականին Նյու Յորքում վաճառվել է 48 հազար ֆունտով:

Ընտանիքը, որին պատկանել են այդ երեք շշերը, նախընտրել է անանուն մնալ:

https://twitter.com/Sothebys/status/1266012360533315586?ref_src=twsrc%5Etfw%7Ctwcamp%5Etweetembed%7Ctwterm%5E1266012360533315586&ref_url=https%3A%2F%2Fwww.shantnews.am%2Fnews%2Fview%2F689978.html