Երկաթուղային կայարանում հայտնաբերված մի շարք թերությունները շտկվել են
Այսօր ՀՀ քաղաքաշինության, տեխնիկական և հրդեհային անվտանգության տեսչական մարմինը կրկնակի այց և մշտադիտարկում է իրականացրել Երևան երկաթուղային կայարանում:
Հայկական միասնական տեղեկատվական կենտրոնից տեղեկացնում են, որ նախորդ այցի ժամանակ Տեսչական մարմինն երկաթուղային կայարանում հայտնաբերել էր մի շարք թերություններ և խախտումներ:
Կայարանի տնօրինությանը տրվել է պարտադիր կատարման ցուցումներ՝ սեղմ ժամանակահատվածում խախտումները վերացնելու ուղղությամբ։
Մայիս 30-ի այցի ժամանակ բոլոր թերությունները տնօրինության կողմից շտկվել են:
