«Ինչպե՞ս եք, հիմարներ»․ L’Equipe-ը քննադատել է Լիգա 1-ի ավարտը
L’Equipe ֆրանսիական հրատարակության նոր համարը նվիրված է եվրոպական լիգաներում մրցաշրջանի վերսկսմանը:
L’Equipe ի շապիկին գրված է. «Ինչպե՞ս եք, հիմարներ: Պրեմիեր լիգայի և Սերիայի Ա-ի վերսկսման հայտարարությունից հետո, Լիգա 1-ը շարունակում է մնալ Եվրոպայի միակ խոշոր առաջնությունը, որը չի վերսկսվի»:
Ավելի վաղ Ֆրանսիայի առաջնությունն ավարտվել էր նախատեսվածից շուտ՝ կորոնավիրուսային համաճարակի պատճառով: Պրեմիեր լիգան և Սերիան Ա-ն պաշտոնապես հայտարարեցին մրցաշրջանի վերսկսման մասին, Իսպանիայի վարչապետը հայտարարեց Լա Լիգայի մրցաշրջանը շարունակելու մտադրության մասին: Բունդեսլիգայի խաղերն արդեն ընթանում են:
Սիրարփի Աղաբաբյան
