Արամ Բարեղամյանը նորից մարզվում է
Երևանի «Ուրարտու» ֆուտբոլային ակումբի ավագը վնասվածքից հետո վերսկսել է մարզումները: Այս մասին հայտնում է ակումբի մամուլի ծառայությունը:
Հայաստանի Բարձրագույն խմբի առաջնության 18-րդ տուրի «Արարատի» հետ հանդիպմանը Արամ Բարեղամյանը բացակայում էր վնասվածքի պատճառով։ «Ուրարտուի» ավագն արդեն վերսկսել է մարզումները։ Բարեղամյանը միացել է ընդհանուր խմբին, բայց դեռևս մարզվում է որոշակի սահմանափակումներով։
Հավելենք, որ ընթացիկ մրցաշրջանում նա «Ուրարտուի» կազմում անցկացրել է 11 հանդիպում։
