Էդեգորը հնարավորություն կստանա «Ռեալում»

Մադրիդի «Ռեալի» կիսապաշտպան Մարտին Էդեգորը, ով վարձավճարով հանդես է գալիս «Ռեալ Սոսյեդադի» կազմում, հաջորդ մրցաշրջանում հնարավորություն կստանա մադրիդյան ակումբում:

Ինչպես հայտնում է As-ը, 21-ամյա նորվեգացին ընդգրկված է «Ռեալի» գլխավոր մարզիչ Զինեդին Զիդանի ծրագրերում: Այս ամառ նա կվերադառնա վարձակալությունից և հնարավորություն կստանա ապացուցել իրեն առաջին թիմում:

Ֆինանսական սահմանափակումների ֆոնին, որոնց «Ռեալը» բախվեց ճգնաժամի պատճառով, Էդեգորը ակումբի համար համարվում է այնպիսի խաղացող, որը կարող է ուժեղացնել թիմը:

Ավելի վաղ հաղորդվում էր, որ Էդեգորը մրցաշրջանի ավարտին չի ցանկանում վերադառնալ «Ռեալ»: Հայտնի է դարձել նաև, որ նորվեգացին կարող է վերադառնալ Մադրիդ, եթե հեռանա «Ռեալից»՝ Լուկա Մոդրիչից:

Էդեգորի գործող պայմանագիրը «Ռեալի» հետ ավարտվում է 2023 թվականի հունիսին:

Հիշեցնենք, որ նորվեգացին մադրիդյան ակումբի կազմում հանդես է եկել 2015 թվականին: Այն ժամանակ նա 16 տարեկան  և 157 օրական էր. Էդեգորը դարձավ  «Ռեալի» պատմության ամենաերիտասարդ դեբյուտանտը:

Սիրարփի Աղաբաբյան