Ճապոնիան հերքում է լուրերն այն մասին, թե հոկտեմբերին կորոշվի օլիմպիական խաղերի վերջնական ճակատագիրը
Ճապոնիան հերքում է լուրերն այն մասին, որ ընթացիկ տարվա հոկտեմբերին վերջնականապես պարզ կլինի՝ հաջորդ տարի կկայանա՞ն, արդյոք, Տոկիոյի ամառային օլիմպիական խաղերը: Այս մասին գրում է ՏԱՍՍ-ը:
Ճապոնիայի կառավարությունը վստահեցնում է, որ այժմ ոչ մի խոսակցություն չկա այն մասին, որ խաղերի հետ կապված որոշում կկայացվի հոկտեմբերին: Խաղերի կազմակոմիտեն շարունակում է բնականոն աշխատանքը` նախապատրաստվելով հաջորդ տարի կայանալիք ՕԽ-ին:
