«Դար 21» հեռուստաընկերության դիմաց, հաստաբուն ծառն ընկել է երթևեկելի հատված և խանգարում է երթևեկությանը
Մայիսի 7-ին, ժամը 07:38-ին Ճգնաժամային կառավարման ազգային կենտրոն ահազանգ է ստացվել, որ Երևանի Հրազդանի կիրճում` «Դար 21» հեռուստաընկերության դիմաց, հաստաբուն ծառն ընկել է երթևեկելի հատված և խանգարում է երթևեկությանը:
Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ:
Փրկարարները ծառի ճյուղերը հեռացրել են ճանապարհի երթևեկելի հատվածից։
