Պրեմիեր լիգայի որոշ հանդիպումներ կարող են ցուցադրվել Youtube-ով
Անգլիայի ֆուտբոլի առաջնության` Պրեմիեր լիգայի որոշ խաղեր կարող են հեռարձակվել Youtube-ով և անվճար: Այս մասին գրում է The Sun-ը: Առաջնության խաղերի հիմնական մասը կհեռարձակվի Sky Sport և BT հեռուստաալիքներով, սակայն մի քանի հանդիպումներ էլ կցուցադրվեն Youtube-ով:
Ավելի վաղ հայտնի էր դարձել, որ անգլիական Պրեմիեր լիգան ներկայացնող ակումբները կողմ են մրցաշրջանը վերսկսելուն: Այժմ Պրեմիեր լիգայի կազմակերպիչներն աշխատանքներ են տանում կառավարությունից թույլտվություն ստանալու ուղղությամբ: Անգլիայում մարզումային գործընթացն էլ կարող է սկսվել մայիսի 18-ից: