«Խեղճ մարդիկ»․ առցանց պրեմիերա՝ ռուսական թատրոնում
Կ․ Ս. Ստանիսլավսկու անվան ռուսական դրամատիկական թատրոնը, որը շարունակում է հեռավար աշխատանքը, թատերասերներին կներկայացնի Ֆ. Դոստոևսկու «Խեղճ մարդիկ» ներկայացումը: Բեմադրության ռեժիսորն է Մանվել Խաչատրյանը:
Առաջնախաղը կցուցադրվի մայիսի 5-ին՝ ժամը 20:00-ին, թատրոնի «Ֆեյսբուք»-ի պաշտոնական էջում:
«Խեղճ մարդիկ» ներկայացման առաջնախաղը նախատեսված էր թատրոնի փոքր բեմում՝ ապրիլի 21-22-ին, սակայն հասկանալի պատճառներով բեմադրական աշխատանքները դադարեցվել էին։
Բեմադրության մեջ զբաղված են թատրոնի դերասաններ Մանվել Խաչատրյանն ու Լիլիա Մուկուչյանը, վերջինս նաև վիպակի բեմականացման հեղինակն է։
Վիդիոտեսագրությունն իրականացրել է թատրոնի լուսատեսանկարահանման ստուդիայի պատասխանատու Գարիկ Մանուկյանը։
