Շահումյանի շրջանի Քարվաճառ համայնքում հանվում են նախկինում սահմանված սահմանափակումները. Տեղեկատվական շտաբ
Շահումյանի շրջանի Քարվաճառ համայնքում հանվում են նախկինում սահմանված սահմանափակումները:
Այս մասին հայտնում է Արցախի Հանրապետությունում Նոր կորոնավիրուսի տարածման կանխարգելման աշխատանքները համակարգող միջգերատեսչական հանձնաժողովի տեղեկատվական շտաբը։
«ԱՀ Պարետի 14.04.2020թ. ընդունած N 5 որոշմամբ՝ Հանրապետության Մարտակերտի շրջանի Կոճողոտ, Հաթերք և Վերին Հոռաթաղ, Շահումյանի շրջանի Քարվաճառ և Քաշաթաղի շրջանի Ծիծեռնավանք, Միրիկ և Մոշաթաղ համայնքներում սահմանվել էին անձանց ազատ տեղաշարժի իրավունքի նկատմամբ ժամանակավոր սահմանափակումներ: Այս մասին հայտնում են Արցախի տեղեկատվական շտաբից:
Պարետի 17.04.2020թ. N 7 որոշմամբ հանվել էին Քաշաթաղի շրջանի Ծիծեռնավանք, Միրիկ և Մոշաթաղ, իսկ 28.04.2020թ. . N 10 որոշմամբ՝ Մարտակերտի շրջանի Կոճողոտ, Հաթերք և Վերին Հոռաթաղ համայնքներում վերոնշված որոշմամբ սահմանված սահմանված սահմանափակումները:
ԱՀ Պարետի այսօրվա նոր՝ 02.05.2020թ. N 11 որոշմամբ, նախորդ որոշումը ճանաչվում է ուժը կորցրած, այսինքն՝ Շահումյանի շրջանի Քարվաճառ համայնքում եւս հանվում են նախկինում սահմանված սահմանափակումները», – ասված է հաղորդագրության մեջ:
ՔԱՐՎԱՃԱՌ ՀԱՄԱՅՆՔՈՒՄ ԵՎՍ ՀԱՆՎՈՒՄ ԵՆ ՆԱԽԿԻՆՈՒՄ ՍԱՀՄԱՆՎԱԾ ՍԱՀՄԱՆԱՓԱԿՈՒՄՆԵՐԸ ԱՀ Պարետի 14.04.2020թ. ընդունած N 5 որոշմամբ՝…
Gepostet von Արցախ / Տեղեկատվական շտաբ am Samstag, 2. Mai 2020
