Ավստրիայում և Սլովակիայում ՀՀ դեսպանը ծաղկեպսակներ է դրել Ֆրանց Վերֆելի հուշարձանի և Հայոց Ցեղասպանության զոհերի հիշատակը հավերժացնող հուշակոթողի մոտ

Հայոց ցեղասպանության 105-րդ տարելիցի կապակցությամբ Ավստրիայում և Սլովակիայում ՀՀ դեսպան Արմեն Պապիկյանը ապրիլի 24-ին ծաղկեպսակներ զետեղեց Վիեննայի կենտրոնում գտնվող Ֆրանց Վերֆելի հուշարձանի և Սուրբ Հռիփսիմե հայ առաքելական եկեղեցու բակում տեղադրված Հայոց Ցեղասպանության զոհերի հիշատակը հավերժացնող հուշակոթողի մոտ։ Այս մասին տեղեկացնում է ՀՀ ԱԳՆ-ն։

Հաշվի առնելով համաճարակի արդյունքում ստեղծված իրավիճակը և Ավստրիայի կառավարության կողմից հայտարարված սահմանափակումները, ծաղկեպսակի զետեղման արարողությունները տեղի են ունեցել սահմանափակ մասնակցությամբ: