«Ալաշկերտ»-ի ֆուտբոլիստները թեստավորվել են
Հայաստան ֆուտբոլի առաջնության բարձրագույն խումբը ներկայացնող «Ալաշկերտ» ակումբի անդամները մարզումները վերսկսելուց առաջ կորոնավիրուսի թեստ են հանձնել:
«Ալաշկերտի» ֆուտբոլիստները և ադմինիստրատիվ կազմը կորոնավիրուսի թեստավորում են անցել: Բոլոր թեստերի պատասխանները բացասական են:
Թիմը պատրաստ է մարզումների վերսկսմանը` պահպանելով բոլոր անհրաժեշտ կանոնները: Մարզումները կանցկացվեն 2 տարբեր խմբերով` տարբեր ժամերի:
