Մենք պետք է մեր տեղն ու դերն ամրապնդենք աշխարհի ռազմաքաղաքական ու տնտեսական քարտեզում. ԱՀ պետնախարար
ԱՀ պետնախարար Գրիգորի Մարտիրոսյան ապրիլյան պատերազմի չորրորդ տարելիցի կապակցությամբ գրառում է կատարել ֆեյսբուքյան իր էջում:
«Ապրիլյան պատերազմից չորս տարի է անցել: 2016 թվականի ապրիլի 1-ի լույս 2-ի գիշերը փշրվեց փխրուն խաղաղությունը, և մենք կրկին պաշտպանեցինք 3 տասնամյակ առաջ արյամբ գծված սահմանը: Ադրբեջանական կողմը արցախա-ադրբեջանական շփման գծի ողջ երկայնքով լայնամասշտաբ ռազմական գործողությունները սկսեց՝ օգտագործելով իր զինանոցի զինատեսակները: Ցավալի է, բայց մենք նորից տեսանք ու ապրեցինք ադրբեջանական ագրեսիան, դաժանությունը խաղաղ բնակիչների նկատմամբ, համոզվեցինք, որ ադրբեջանական ձեռագիրն այդպես էլ չի փոխվել:
Այսօր մենք հիշում ու խոնարհվում ենք Մարտունիում ու Թալիշում զոհված երեխայի ու ծերերի, անձնուրաց դեպի մարտի դաշտը նետված բազմաթիվ կամավորների, և իհարկե, հայրենիքի հանդեպ իրենց պարտքը փայլուն կատարած սպաների ու ժամկետային զինծառայողների հիշատակին: Նրանք կերտել են մեր նորագույն պատմության հերոսական էջերից ևս մեկը, նրանք ապացուցել են մեր կամքի ուժը, պաշտպանել երկրի սահմանն և նորից գծել նվիրումի չչափվող սահմանը:
Մեզ հակացուցված է պարտությունը: Մենք պետք է մեր տեղն ու դերն ամրապնդենք աշխարհի ռազմաքաղաքական ու տնտեսական քարտեզում:
Ավելի քան վստահ եմ, որ ապրիլյան պատերազմում մեր զինվորների ու քաղաքացիների անօրինակ սխրագործությունները պետք են նաև ոչ պատերազմ-ոչ խաղաղություն իրավիճակում, այսօր ու վաղը, երբ յուրաքանչյուրի միտքն ու աշխատանքը, հետևողականությունն ու հոգատարությունը որոշիչ են Արցախի բարգավաճման ու բարեկեցության ապահովման հարցում»:
Ապրիլյան պատերազմից չորս տարի է անցել: 2016 թվականի ապրիլի 1-ի լույս 2-ի գիշերը փշրվեց փխրուն խաղաղությունը, և մենք…
Gepostet von ԱՀ պետական նախարար Գրիգորի Մարտիրոսյան / Grigori Martirosyan am Donnerstag, 2. April 2020
