Brent նավթի գինն ընկել է ավելի քան 10 տոկոսով՝ բարելի դիմաց մինչեւ 30,43 դոլար
Brent մակնիշի նավթի 2020 թվականի մայիսի մատակարարման ֆյուչերսի արժեքը Լոնդոնի ICE բորսայում արագացրել է անկումը եւ հասել բարելի դիմաց 30,43 դոլարի նշագծին, ինչը 10,1 տոկոսով ցածր է նախորդ առեւտրաշրջանի փակման մակարդակից: Դա հետեւում է Երեւանի ժամանակով 15:31-ի դրությամբ առեւտրական հարթակի տվյալներից, տեղեկացնում է ՏԱՍՍ-ը:
Երեւանի ժամանակով 15:43-ին Brent մակնիշի նավթի արժեքը հասել է 30,3 դոլարի նշագծին (-10,5 տոկոս), իսկ WTI-ինը՝ 29,53 դոլարի նշագծին (-8 տոկոս):
Նավթի գների նվազման ֆոնին ռուբլին էժանանում է ԱՄՆ-ի դոլարի եւ եվրոյի նկատմամբ: Այսպես, դոլարի փոխարժեքը գտնվում էր 75,05 ռուբլու մակարդակի վրա (+3,4 տոկոս), իսկ եվրոյի փոխարժեքը հասնում էր 83,8 ռուբլու (+3,8 տոկոս):
