Կորոնավիրուսով վարակված Մեղրիի բնակչի հետ անձամբ ես շփում եմ ունեցել. Նիկոլ Փաշինյան
Քիչ առաջ ՀՀ վարչապետ Նիկոլ Փաշինյանը ֆեյսբուքյան ուղիղ եթերի ժամանակ հայտարարեց, որ այսօր արձանագրված դեպքերից մեկը Մեղրիի բնակիչ է և որ ինքը Մեղրիից Երևան գալիս այդ քաղաքացու հետ շփում է ունեցել։ Վարչապետը հավելեց, որ շփումը շատ սերտ չի եղել։
«Վայքում մտանք Բիստրո եւ պարզվել է, որ այնտեղ այդ քաղաքացու մոտով անցել ենք։: Դրա համար մոտ մեկ ժամ առաջ ես նոր թեստ հանձնեցի կորոնավիրուսի։ Եթե թեստի պատասխանը լինի կեսգիշերն անց, եթե պատասխանը կլինի դրական, ես եւ իմ ընտանիքը կշարունակի ինքնամեկուսացումը Սեւանում։ Եթե պատասխանը լինի բացասական, վաղն առավոտյան կվերադառնամ Երեւան եւ կաշխատեմ արդեն Երեւանից, կառավարության իմ աշխատասենյակում»,- ընդգծեց վարչապետը։
