Չինաստանը պատրաստ է շարունակել աջակցել Իրանին կորոնավիրուսի դեմ պայքարում
Չինաստանը պատրաստ է շարունակել օգնություն ցուցաբերել Իրանին կորոնավիրուսի համաճարակի դեմ պայքարում:
Ինչպես հաղորդում է «ՌԻԱ Նովոստի»-ին, այդ մասին Իրանի նախագահ Հասան Ռոհանին ուղղված հաղորդագրությունում հայտնել է Չինաստանի նախագահ Սի Ցզինպինը:
«Իրանի կառավարությունն ու ժողովուրդն անկեղծ աջակցություն և օգնություն են ցույց տվել Չինաստանին համաճարակի դեմ պայքարում: Համաճարակի հաղթահարման գործում Իրանին օգնելու համար չինական կողմը հակահամաճարակային միջոցների խմբաքանակ և համապատասխան փորձագետների խումբ է ուղարկել Իրան»,-ասվում է Չինաստանի առաջնորդի հաղորդագրությունում:
Նա շեշտել է, որ չինական կողմը պատրաստ է ամրապնդել համագործակցությունն Իրանի հետ կորոնավիրուսի համաճարակի դեմ պայքարում, ինչպես նաև օգնություն ցույց տալ Թեհրանին:
