«Երևան Սիթի» սուպերմարկետի մոտ այրվել է ավտոմեքենա
Մարտի 13-ին, ժամը 19:48-ին Ճգնաժամային կառավարման ազգային կենտրոն ահազանգ է ստացվել, որ Երևանի Արտաշիսյան փողոցում՝ «Երևան Սիթի» սուպերմարկետի մոտակայքում, այրվում է ավտոմեքենա:
Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ:
Հրդեհը մարվել է տեղի ուժերով: Այրվել է «Volkswagen Vento» մակնիշի ավտոմեքենայի (վարորդ՝ Գագիկ Ս., ծնված 1954 թ․) շարժիչի խցիկը՝ մասամբ:
Փրկարարներն իրականացրել են հովացման աշխատանքներ։
