Չեխիայում և Կոլումբիայում արտակարգ դրություն են հայտարարել կորոնավիրուսի պատճառով
Չեխիայում արտակարգ դրություն են հայտարարել կորոնավիրուսի պատճառով: Այդ մասին Պրահայում կայացած մամուլի ասուլիսում հայտնել է հանրապետության վարչապետ Անդրեյ Բաբիշը՝ ամփոփելով կառավարության նիստի արդյունքները։
«Չեխիայում արտակարգ դրություն է մտցվում կենտրոնաեվրոպական ժամանակով 14:00-ից (Երեւանի ժամանակով 17:00-ից),-ընդգծել է նա:-Այն գործելու է առաջիկա 30 օրվա ընթացքում»: Իր հերթին Կոլումբիայի կառավարությունը որոշում է ընդունել առողջապահության ոլորտում արտակարգ դրություն հայտարարել նոր կորոնավիրուսի տարածման սպառնալիքի պատճառով:
Այդ մասին մարտի 12-ին Բոգոտայում կայացած մամուլի ասուլիսում հայտնել է երկրի նախագահ Իվան Դուկեն: «Արտակարգ դրություն է հայտարարվում առողջապահության բնագավառում»,-ասել է նա, հաղորդել է ՏԱՍՍ-ը:
