«Մեսսին նույն պատասխանատվությունն ունի «Բարսայում» և հավաքականում: Նա ամենալավն է, նույնիսկ, երբ գոլ չի խփում»․ Սկալոնի
Արգենտինայի հավաքականի գլխավոր մարզիչ Լիոնել Սկալոնին համեմատել է հարձակվող Լիոնել Մեսսիի խաղը «Բարսելոնայում» և հավաքականում:
«Չեմ կարծում, որ նա մեկ թիմում խաղում է ավելի վատ, քան մյուս թիմում, որովհետև նա կրում է նույն պատասխանատվությունը «Բարսելոնայում» և ազգային թիմում:
Չնայած մարդիկ ասում են, որ նա վատ հանդիպում է ունեցել, բայց նա լավագույնն էր դաշտում: Նույնիսկ այն ժամանակ, երբ Մեսսին գոլ չի խփում կամ փայլուն չի խաղում, նա հանդիպման լավագույն խաղացողն է:
Առաջին գծում Մեսսին, եթե ոչ՝ լավագույնը, ապա՝ աշխարհի լավագույն խաղացողներից մեկն է, քանի որ նա ամեն ինչ շատ արագ է անում»,- ասել է Սկալոնին:
Սիրարփի Աղաբաբյան
