Հրայր Թովմասյանին տանը խուզարկություն կատարելու թույլտվությունը տվել է դատավոր Արտուշ Գաբրիելյանը. «Փաստինֆո»
«Փաստինֆո»-ի տեղեկություններով՝ Հրայր Թովմասյանի տանը խուզարկություն իրականացնելու միջնորդությունը բավարարել է դատավոր Արտուշ Գաբրիելյանը:
Հիշեցնենք, որ Գաբրիելյանը նույն դատավորն է, որը կալանավորել էր Թովմասյանի սանիկ Նորայր Փանոսյանին:
Այս պահին ՀՔԾ քննիչները շարունակում են խուզարկություն կատարել ՀՀ ՍԴ նախագահ Հրայր Թովմասյանի տանը: Սպասվում էմ որ փաստաբանները ավելի ուշ հանդես կգան հայտարարությամբ:
ՀՀ ՍԴ նախագահ Հրայր Թովմասյանին մեղադրանք է առաջադրվել 2019 թվականի դեկտեմբերի 27-ին՝ ՀՀ քրեական օրենսգրքի 308-րդ հոդվածի 2-րդ մասի հատկանիշներով՝ պաշտոնեական լիազորությունները չարաշահելու համար։ Ընդ որում՝ նրան որպես մեղադրյալ ներգրավելու որոշումը կայացրել էր ՀՀ գլխավոր դատախազը՝ դեկտեմբերի 26-ին, ճիշտ այն նույն օրը, երբ ՀՀ նախագահ Արմեն Սարգսյանը ստորագրեց Սահմանադրական դատարանի դատավորներին վաղաժամ թոշակի ուղարկելու մասին օրենքը։
