Ներկայացուցիչների պալատը սահմանափակել է Թրամփի ռազմական լիազորությունները
ԱՄՆ Կոնգրեսի ներկայացուցիչների պալատի հունվարի 9-ի ընդունած բանաձևի համաձայն՝ սահմանափակվել են ԱՄՆ նախագահ Դոնալդ Թրամփի ռազմական լիազորությունները և արգելվում է առանց օրենսդիրների թույլտվության ռազմական գործողություններ իրականցնել Իրանի դեմ։
Փաստաթղթին հավանություն է տվել պալատի անդամների մեծ մասը (224 կողմ, 194 դեմ ձայն), որտեղ իշխում են դեմոկրատները։ Այս մասին գրում է NbcNews-ը։ Բանաձևը կուղարկվի Սենատ, որտեղ արդեն մեծամասնություն են կազմում հանրապետականները՝ Թրամփի կողմնակիցները։
Ի դեպ, նշվում է, որ փաստաթուղթն օրինական ուժ չունի և չի կարող իրականում արգելել Թրամփին ռազմական գործողություններ իրականացնել Թեհրանի դեմ։
