«Եկեք երեխաների հետ միասին, վերցրեք ձեզ հետ թոռներին». Կախա Կալաձե
Թբիլիսիի քաղաքագլուխ Կախա Կալաձեն բոլորին հրավիրում է ամանորյա միջոցառման, որը դեկտեմբերի 31-ին տեղի կունենա Առաջին հանրապետության հրապարակում:
«Ցանկանում եմ դեկտեմբերի 31-ին բոլորին հրավիրել Առաջին հանրապետության հրապարակ, որտեղ կանցկացվի գալա-համերգ, եւ մենք միասին կդիմավորենք Նոր տարին: Եկեք երեխաների հետ միասին, վերցրեք ձեզ հետ թոռներին: Բավականին հետաքրքիր ծրագիր է լիենլու, հոյակապ հրավառություն»,- հայտարարել է Կալաձեն:
Ավելի վաղ նա հայտնել է, որ Ամանորի գիշերը Վրաստանի մայրաքաղաքում հասարակական տրանսպորտն ուղեւորներին կսպասարկի անվճար: Դեկտեմբերի 31-ին ժամը 23:00-ից 75 երթուղիներում 160 միավոր ավտոբուսներ կերթեւեկեն 30 րոպե միջակայքով: Նաեւ մայրաքաղաքի բնակիչներին եւ հյուրերին անվճար կսպասարկի Ռիքե – Նարիղալա ճոպանուղին: Այդ գրաֆիկով հասարակական տրանսպորտն ամանորյա գիշերը կաշխատի մինչեւ առավոտյան 4:00-ն, իսկ ճոպանուղին՝ մինչեւ հունվարի լույս 1-ի գիշերվա 3:00-ն:
Կալաձեի խոսքով՝ դեկտեմբերի 25-ից մինչեւ հունվարի 13-ը ներառյալ, 12:00-ից մինչեւ 00:00-ն Առաջին հանրապեության հրապարակում կգործեն ամանորյա ավանները: Կլինեն թատերական բեմադրություններ, համերգներ եւ ժամանցային միջոցառումներ, հաղորդել է Sputnik-ը:
