Լուկաշենկոն որոշել է դյուրացնել Եվրամիության հետ այցագրային ռեժիմը
Մինսկը որոշում է ընդունել Եվրամիության հետ այցագրային ռեժիմի եւ բռնադարձման պարզեցման համաձայնագիր ստորագրելու մասին: Այդ մասին սեպտեմբերի 20-ին հայտարարել է հանրապետության արտաքին գործերի նախարարության մամուլի քարտուղար Անատոլի Գլազը:
«Պետության ղեկավարն ընդունել է որոշում, որն այսօր կհրապարակվի, Եվրամիության հետ այցագրերի տրման եւ բռնադարձման պարզեցման շուրջը համաձայնագիր ստորագրելու մասին»,- լրագրողներին հայտարարել է Գլազը, հաղորդել է ՌԻԱ Նովոստին:
