Անթալիայի 2 տարբեր հյուրանոցներում արտասահմանցի 2 զբոսաշրջիկ է մահացել
Թուրքիայի հարավային Անթալիա նահանգի 2 տարբեր հյուրանոցներում 1 գերմանացի և 1 ռուս զբոսաշրջիկ է մահացած հայտնաբերվել: Այս մասին տեղեկացնում ermenihaber.am-ը:
Նշվում է, որ երբ հյուրանոցի աշխատակիցները մտել են սենյակ, նկատել են, որ ռուս զբոսաշրջիկ Ռավլի Խիսամուտդինովը գետնին անշարժ պառկած է եղել: Շտապ օգնության բժշիկների զննության արդյունքում պարզվել է, որ 66-ամյա ռուսաստանցի զբոսաշրջիկը մահացել է:
Մյուս դեպքը տեղի է ունեցել Անթալիայի Օբագյոլ թաղամասի հյուրանոցներից մեկում:
Հանգստանալու համար Թուրքիա մեկնած 63-ամյա գերմանացի զբոսաշրջիկ Էլիզաբեթ Գերֆրուդը մահացել է հյուրանոցի սենյակում:
Երկու զբոսաշրջիկների մահվան դեպքի առնչությամբ նշանակվել է դատաբժշկական փորձաքննություն:
