Ամուլսարի հարցով ՀՀ-ն մտահոգվելու կարիք ունի՞, թե՞ ոչ, կարելի է ասել միայն փորձագիտական աշխատանքից հետո. Մհեր Գրիգորյան
Ամուլսարի հարցով ՀՀ-ն մտահոգվելու կարիք ունի՞, թե՞ ոչ, կարելի է ասել միայն երեք փորձագիտական աշխատանք անելուց հետո: Այս մասին այսօր լրագրողների հետ զրույցում ասաց փոխվարչապետ Մհեր Գրիգորյանը:
«Փորձագիտական աշխատանք է անհրաժեշտ թե՛ իրավական, թե՛ տնտեսական, թե՛ բնապահպանական տեսանկյունից: Այս բոլորի միայն ճիշտ համակցումը կբերի ճիշտ գնահատական»։
«Էլարդի» հետ Skype-ով քննարկմանը Մհեր Գրիգորյանը չի մասնակցել, դիտել է միայն տեսագրությունը:
«Քննարկմանը չեմ մասնակցել, դիտել եմ։ Կարծում եմ, ինչ-որ բաներ նոր էին, որոշ բաներ արդեն իսկ հայտնի էին, բայց գնահատականը փորձագիտական աշխատանքի համակցումից հետո է ճիշտ տալ»։
ԱՆԱՀԻՏ ՀՈՎՀԱՆՆԻՍՅԱՆ
