«Արսենալ»-«Բերնլի». երկրորդ հնարավորությունը Մխիթարյանի համար

Լոնդոնյան ակումբը երկրորդ հանդիպումը կանցկացնի Անգլիայի նոր սկսված առաջությունում: Հայ ֆուտբոլիստ Հենրիխ Մխիթարյանը, ով առաջին խաղում ստացել էր ամենացածր միավորները, երկրորդ խաղում պետք է ապացուցի, որ առաջին խաղի արդյունքը պատահականութուն էր, և ինքը նոր մրցաշրջանին պատրաստվել է լավ մարզավիճակով:

«Արսենալ»

Մեկնարկային տուրում «զինագործները» արտագնա հանդիպումում խաղացին «Նյուքասլի» դեմ: «Արսենալի» համար մրցակիցն ավանդաբար հարմարավետ է, մի խաղ, որի միջոցով լոնդոնյան ակումբը ևս մեկ անգամ գրանցում է երեք միավոր իր ակտիվում: Հանդիպումը հեշտ չէր, բայց Պիեռ-Էմերիկ Օբամեյանգը բաց չթողեց իր հնարավորությունը`1:0:

Ունայ Էմերիի սաները կարող են հաջող շարք շարունակել առաջիկա հանդիպման ընթացքում: Վերջին առաջնությանը տնային ասպարեզում կայացած խաղերում «Արսենալը» ունեցավ երրորդ արդյունքը: Միայն «Մանչեսթեր Սիթին» և «Լիվերպուլն» էին տանը ավելի լավ  խաղում, քան «զինագործները»: Անցած առաջնության 19 հանդիպումներում «Արսենալը» սեփական հարկի տակ 14 հաղթանակ տարավ՝ պարտվելով ընդամենը երկու անգամ:

Թիմի հիվանդանոցն աստիճանաբար դատարկվում է: Սաեդ Կոլոշինացը և Մեսութ Օզիլը պատրաստ են մասնակցել այս հանդիպմանը:

Կիրան Թիերնին, Կոնստանտինոս Մավրոպանոսը, Ռոբ Հոլդինգը, Հեկտոր Բելերինը և Սմիթ Ռովը շարունակում են ապաքինվել:

«Բերնլի»

«Բերնլին» նույնպես հիանալի սկսեց առաջնությունը: Իրենց հարազատ ասպարեզում կայացած խաղում նրանք ոչ մի հնարավորություն չթողեցին «Սաութհեմփթոնին»՝ 3-0 հաշվով հաղթելով նրանց:

Սեփական հարկի տակ հանդիպումները միշտ էլ եղել է այս թիմի ուժեղ կողմը: Շոն Դայչի սանեերը մրցակցի հարկի տակ սովարաբար թույլ են խաղում: Անցած առաջնությունում նրանք հաղթեցին ընդամենը չորս արտագնա խաղում ՝տասը պարտություն կրելով:

Թիմում գրեթե չկան վնասվածքներ: Ստեֆան Դեֆուրը վաղուց արդեն գրանցվել է հիվանդանոցում: Պարզ չէ՝ կարո՞ղ է խաղալ Ռոբի Բրեդին:

Հանդիպման ֆավորիտն ակնհայտ է: «Արսենալը» սովարաբար հաջողությամբ է խաղում  «Բերնլիի» դեմ, և շատ գոլեր է խփում մրցակցի հարկի տակ: Վերջին երեք հանդիպումներում «զինագործները» մրցակցին հաղթել են ոչ պակաս, քան երկու գոլի տարբերոթյամբ: Այս անգամ կարելի է ակնկալել համոզիչ հաղթանակ:

Հիշեցնենք, որ հանդիպումը տեղի կունենա այսօր՝ օգոստոսի 17-ին, Երևանի ժամանակով 15:30-ին:

Սիրարփի Աղաբաբյան