«Դուք ինձնից ինչ-որ լրացուցիչ հայտարարություն եք սպասո՞ւմ». Դավիթ Անանյան
Բագրատաշենի մաքսակետով ռադիոակտիվ նյութի անցկացման փաստով և՛ ծառայողական քննություն է ընթանում, և՛ քրեական գործ է հարուցվել: Ինչպես այսօր կառավարության նիստից հետո լրագրողների հետ զրույցում նշեց ՊԵԿ նախագահ Դավիթ Անանյանը, դրա արդյունքներով լրացուցիչ հայտարարություն կարվի:
«Դուք ինձնից ինչ-որ լրացուցիչ հայտարարություն եք սպասո՞ւմ»,- հարցադրում արեց ՊԵԿ նախագահն ու մերժեց որևէ հայտարարություն անել:
Հիշեցնենք, որ ռադիոակտիվ նյութի անօրինական տեղափոխման և մաքսային կանոնների խախտման մեղադրանքով հայ-վրացական սահմանի Սադախլո-Բագրատաշեն անցակետում Հայաստանի քաղաքացի էր ձերբակալվել:
Ըստ Վրաստանի պետական անվտանգության ծառայության՝ ձերբակալվածը Հայաստանից Վրաստանի տարածքով միջուկային նյութ էր տեղափոխում Ռուսաստան:
