«Նիկոլ Փաշինյանը վերջին հայտարարություններով յուրացնում է իշխանությունը, որը հանցագործություն է». Գառնիկ Իսագուլյան
Գառնիկ Իսագուլյանը ֆեյսբուքյան իր էջում գրել է.
«ՀՀ նախագահ Արմեն Սարգսյանին
Պարոն Նախագահ, ՀՀ վարչապետ Նիկոլ Փաշինյանը վերջին հայտարարություններով իրեն դուրս է դրել ՀՀ Սահմանադրության և օրենքների շրջանակներից։ Նա, ըստ էության, յուրացնում է իշխանությունը, որը ՀՀ Սահմանադրության 2-րդ հոդվածի համաձայն հանցագործություն է․
Հոդված 2. Հայաստանի Հանրապետությունում իշխանությունը պատկանում է ժողովրդին:
Ժողովուրդն իր իշխանությունն իրականացնում է ազատ ընտրությունների, հանրաքվեների, ինչպես նաև Սահմանադրությամբ նախատեuված պետական և տեղական ինքնակառավարման մարմինների ու պաշտոնատար անձանց միջոցով:
Իշխանության յուրացումը որևէ կազմակերպության կամ անհատի կողմից հանցագործություն է:
Ակնկալում եմ Ձեր անհապաղ արձագանքը՝ որպես ՀՀ Սահմադրության պահպանման երաշխավոր։
Հոդված 123. Հանրապետության նախագահի կարգավիճակը և գործառույթները
1․Հանրապետության նախագահը պետության գլուխն է:
2․Հանրապետության նախագահը հետևում է Սահմանադրության պահպանմանը:
3․Հանրապետության նախագահն իր լիազորություններն իրականացնելիս անաչառ է և առաջնորդվում է բացառապես համապետական և համազգային շահերով:
Եթե Ձեր կողմից անմիջապես չձռնարկվեն միջոցներ, ապա Դուք ևս կդառնաք այդ հանցագործությանը մասնակից՝ դրանից բխող բոլոր հետևանքներով»:
