«Ուզում ենք, որ «Արսենալը» դառնա լավագույն ակումբը Անգլիայում և աշխարհում». Էմերի
Լոնդոնյան «Արսենալի» գլխավոր մարզիչ Ունայի Էմերին պատմել է թիմի զարգացման պլանների մասին:
«Ուզում ենք, որ «Արսենալը» դառնա լավագույն ակումբը Անգլիայում և աշխարհում, բայց դա երկարաժամկետ գործընթաց է: Երբեմն պետք է համբերատար լինել: Մենք ուզում ենք խաղալ Չեմպիոնների լիգայում, բայց նաև գիտենք, որ դրա համար ջանք և ժամանակ է պետք: Անգլիայում կան ևս 5 շատ ուժեղ թիմեր՝ լավ ֆուտբոլիստներով և շատ բարձր ցուցանիշներով:
ԱՊԼ-ն ամենաբարդ առաջնությունն է աշխարհում: Ոչ մի այլ երկրում չկա այսպիսի պայքար լավագույն քառյակում հայտնվելու և ՉԼ-ում խաղալու համար»,- Էմերիի խոսքերն է մեջբերում Goal.com-ը:
Պատրաստեց Անի Գաբուզյանը
