«Ես չեմ ուզում մեկնաբանել». Ալեն Սիմոնյանը հորդորում է դիմել վարչապետին
ԱԺ փոխնախագահ Ալեն Սիմոնյանի խոսքով՝ Հայոց ցեղասպանության միջազգային ճանաչման և հայ-թուրքական հարաբերությունների հետ կապված այն մարտավարությունը, որը որդեգրել են իրենք՝ նոր իշխանությունները, տարիներ շարունակ եղել է, որի արդյունքում էլ ամեն տարի որևէ երկիր ճանաչում է Հայոց ցեղասպանությունը։
Հարցին՝ իշխանությունների օրակարգում շարունակո՞ւմ է մնալ հայ-թուրքական հարաբերությունների հաստատումն առանց նախապայմանների, Ալեն Սիմոնյանը պատասխանեց, որ ճիշտ կլիներ, եթե այդ հարցին պատասխաներ ՀՀ արտաքին գերատեսչության ղեկավարը։
«Արդեն մի քանի անգամ ասել եմ, ամենակարճ և ամենաճիշտ ճանապարհը Հայաստանի ուժեղացումն է»,- նշեց Ալեն Սիմոնյանը։
Հաջորդ հարցին՝ ինչո՞ւ ԵԽԽՎ-ում վարչապետն իր ելույթի ընթացքում չանդրադարձավ Հայոց ցեղասպանության միջազգային ճանաչման հարցին, Ալեն Սիմոնյանը պատասխանեց, որ այդ հարցով կարող են դիմել վարչապետին.
«Ես չեմ ուզում մեկնաբանել»։
Ինչ վերաբերում է «ֆուտբոլային դիվանագիտության» ձախողմանը, Ալեն Սիմոնյանն ասաց, որ երբևէ չի մտածել, որ Թուրքիայի հետ այդ ճանապարհով հնարավոր է հասնել հաջողության։
Ինչ վերաբերում է հայ-թուրքական սահմանի բացմանը, ԱԺ փոխնախագահը նշեց, որ այդ հարցի հետ կապված Թուրքիայի հետ երբևէ նախապայմանով չեն խոսել։
Զվարթ Խաչատրյան
