««Լիվերպուլի» հետ խաղերը կգրավեն բոլոր երկրպագուներին». Վալվերդե
«Բարսելոնայի» գլխավոր մարզիչ Էռնեստո Վալվերդեն պատմել է Չեմպիոնների լիգայի կիսաեզրափակչում «Լիվերպուլի» հետ հանդիպումների իր ակնկալիքներից:
«Սա շատ հզոր հակառակորդ է՝ գերազանց հարձակվողներով, որոնք ցույց տվեցին իրենց ներուժն անցյալ մրցաշրջանում և հաստատեցին դա այս տարի:
Անցյալ տարի նրանք հասել էին եզրափակիչ, և այս տարի էլ նրանք անցկացնում են հրաշալի մրցաշար, ինչպես նաև պայքարում են Անգլիայի առաջնությունում:
«Լիվերպուլի» հետ խաղերը կգրավեն բոլոր երկրպագուներին: Սակայն այս խաղերը դժվար կլինեն երկու թիմերի համար էլ:
Բայց հորիզոնում եզրափակիչն է, այնպես որ, մենք ամեն ինչ կտանք առավելագույն արդյունքի հասնելու համար»,- ասել է Վալվերդեն:
«Բարսելոնան» և «Լիվերպուլը» Չեմպիոնների լիգայի կիսաեզրափակչում կհանդիպեն մայիսի 2-ին՝ Կատալոնիայում, և մայիսի 7-ին՝ Անգլիայում:
Սիրարփի Աղաբաբյան
