«Որոշ մարդիկ «Յունայթեդում» պետք է առերեսվեն ճշմարտությանը». Սուլշեր
«Մանչեսթեր Յունայթեդի» գլխավոր մարզիչ Օլե-Գունար Սուլշերը կարծում է, որ թիմի որոշ ֆուտբոլիստներ պետք է իրենց իսկական մակարդակը զգան և հասկանան՝ ինչի են իրենք իրականում ընդունակ:
«Ես շատ բան իմացա ֆուտբոլիստների մասին, քանի որ այստեղ էի: Ֆուտբոլիստների մեծ մասը հիացրեց ինձ ֆուտբոլի հանդեպ իր վերաբերմունքով, բայց որոշ մարդիկ «Յունայթեդում» պետք է առերեսվեն ճշմարտությանը:
Շատ ֆուտբոլիստներ գիտեն, որ նրանք կարող են առաջադիմել, եթե շարունակեն աշխատել:
Ես խոսեցի ֆուտբոլիստների հետ, և նրանք դրա մասին գիտեն: Մարսիալն այն ֆուտբոլիստն է, ում հետ ես խոսեցի: Ես բոլորի հետ խոսեցի առանձին այն ամենի մասին, ինչ մենք ակնկալում ենք նրանցից:
Անտոնին ունի հսկայական տաղանդ, նա նոր պայմանագիր է ստորագրել: Նա գիտի, որ մենք հավատում ենք նրան»,- ասել է Սուլշերը:
Սիրարփի Աղաբաբյան
