«Մենք պարտադրեցինք մեր ծրագիրը և արժանի էինք երրորդ գոլին». Էմերի
«Արսենալի» գլխավոր մարզիչ Ունայի Էմերին մեկնաբանել է Եվրոպայի լիգայի 1/4 եզրափակչի առաջին խաղում «Նապոլիի» նկատմամբ հաղթանակը (2:0):
«Առաջին խաղում մենք կարողացանք պարտադրել մեր ծրագիրը: «Նապոլին» կարողանում է վերահսկել գնդակը: Առաջին խաղակեսում հակառակորդը մի պահ ուներ, իսկ երկրորդ խաղակեսում՝ ևս երկու հնարավորություններ:
«Արսենալն» արժանի էր երրորդ գոլին: Մրցակցի դաշտում ամեն ինչ այլ կլինի: Մենք պետք է գործենք կենտրոնացած և վստահ լինենք ինքներս մեզ վրա՝ որքան հնարավոր է»,- ասել է Էմերին:
Սիրարփի Աղաբաբյան
