Եվրոպական հանձնաժողովը դիտարկում է Կիևի՝ ՀՕՊ hրթիռների համար մի քանի միլիարդ եվրոյի հայտը. Ֆոն դեր Լայեն
Եվրոպական հանձնաժողովը Կիևից ստացել է PAC-3 Patriot ՀՕՊ հրթիռների համար մի քանի միլիարդ եվրոյի չափով ֆինանսավորման հայտ և այժմ դիտարկում է այն: Այս մասին հայտարարել է Եվրոպական հանձնաժողովի ղեկավար Ուրսուլա ֆոն դեր Լայենը, հաղորդում է ՏԱՍՍ-ը։
«Եվրոպական հանձնաժողովը ստացել է Ուկրաինայի հայտը՝ PAC-3 Patriot հրթիռների գնման համար մի քանի միլիարդ եվրոյի չափով, ԵՄ երկրներն այժմ դիտարկում են այդ հայտը», – ասել է ֆոն դեր Լայենը ՆԱՏՕ-ի գլխավոր քարտուղար Մարկ Ռյուտեի հետ համատեղ մամուլի ասուլիսում:
Նա հավելել է, որ ԵՄ-ն Կիևի ռեժիմի հետ աշխատում է նաև «Freya» համատեղ ՀՕՊ համակարգի ստեղծման ուղղությամբ, որը, եվրոպական ԶԼՄ-ների տեղեկություններով, իրենից ներկայացնում է Ս-300 համալիրի տարրերը, դրա բազայի վրա ստեղծված որսիչները և եվրոպական ռադարներն ու կառավարման համակարգերը համադրող համակարգ:
