Լուկաշենկոյի կանխատեսմամբ՝ Ուկրաինայի նախագահական ընտրությունները կշահի Պորոշենկոն
Բելառուսի նախագահ Ալեքսանդր Լուկաշենկոն կանխատեսում է, որ Ուկրաինայի նախագահական ընտրություններում, այնուամենայնիվ, հաղթանակ կտանի գործող նախագահ Պյոտր Պորոշենկոն: Այս կարծիքը նա հայտնել է ապրիլի 8-ին Anadolu թուրքական լրատվական գործակալությանը տված հարցազրույցում։
«Ոչ ոք այնտեղ ոչինչ չի շահել, առաջին փուլից հետո առաջատարը Զելենսկին է, Պորոշենկոն նրանից հետ է մնում: Թե ինչպես կավարտվի երկրորդ փուլը, ոչ ոք չի կարող կանխատեսել,-Լուկաշենկոյի խոսքը մեջբերում է «ԲելՏԱ» գործակալությունը:-Ես, այնուամենայնիվ, հակված եմ մտածելու, որ այս նախագահական ընտրություններում հաղթանակ կտանի Պորոշենկոն»:
Նա նշել է, որ Պորոշենկոն ամեն բան կանի, որպեսզի ուկրաինացիներն իրեն աջակցեն, հաղորդել է ՏԱՍՍ-ը:
