Դավիթ Ղազարյանի կալանավորման դեմ բողոքի ակցիայի մասնակիցներից մեկը ոստիկանություն բերման է ենթարկվել
«Սպայկա» ՍՊԸ հիմնադիր-տնօրեն Դավիթ Ղազարյանի կալանավորման դեմ բողոքի ակցիա իրականացնող քաղաքացիներից մեկին ոստիկանությունը բերման է ենթարկել:
«Արմենպրես»-ի հետ զրույցում՝ այս մասին ասացին ՀՀ ոստիկանության հասարակայնության հետ կապի և լրատվության վարչությունից:
«Մեկ հոգի բերվել է ոստիկանություն՝ վարչական իրավախախտումների օրենսգրքի 182-րդ հոդվածով նախատեսված արարք կատարելու համար: Համապատասխան գործողություններն իրականացնելուց և արձանագրություն կազմելուց հետո նրան ազատ կարձակեն»,- նշեցին ոստիկանությունից:
